Mynd dagsins: „Ég veit ekki hvað Góði hirðirinn er að reykja en mig langar í“

Verð­lagning í Góða hirðinum hefur vakið mikla at­hygli á undan­förnum misserum. Hekla Elísa­bet vekur at­hygli á borði sem Góði hirðirinn hefur til sölu á vef­síðu þeirra.

„Glerplata smá rispuð“ og „smá skemmdir á fótum“ stendur í lýsingunni á vörunni. En eins og sjá má á myndunum er borðið tölu­vert rispað og skemmdirnar á fótunum þó­nokkrar.

„Bara smá, oggu­pons, sést varla á þessu ef þú pælir í því,“ segir Hekla Elísa­bet á Twitter.

„Ég veit ekki hvað Góði hirðirinn er að reykja þessa dagana en mig langar í,“ bætir hún við.

Færsluna og myndirnar af borðinu má sjá hér að neðan.