Dagbjört Hákonardóttir, lögfræðingur Reykjavíkurborgar og varaþingmaður Samfylkingarinnar, minnist Mikhaíl Gorbatsjov fyrrum aðalritara kommúnistaflokksins í Sovétríkjunum í dag.
Gorbatsjov lést í gær 91 árs að aldri en hann mætti hingað til lands í nóvember 1986 er hann kom til fundar við Ronald Reagan forseta Bandaríkjanna. Fundurinn vakti gríðarlega athygli hér á landi sem og í heiminum öllum enda markaði hann tímamót í torveldum samskiptum Bandaríkjanna og Sovétríkjanna. Áhugasamir Íslendingar tóku virkan þátt í öllu því umstangi sem fundinum fylgdi og segja má að gripið hafi um sig eins konar leiðtogafundar-æði hér á landi.
Meðal þeirra var tveggja ára Dagbjört sem veifaði Gorbatsjov og veifaði hann henni tilbaka.
„Nóvember 1986. Gorbachev gerði sér far um að veifa tveggja ára barni í dökkblárri Harrodskápu með hatt í stíl fyrir utan Höfða. Þessi stúlka var ég,“ skrifar Dagbjört.
Nóvember 1986. Gorbachev gerði sér far um að veifa tveggja ára barni í dökkblárri Harrodskápu með hatt í stíl fyrir utan Höfða.
— Dagbjört Hákonardóttir (@dagbjort) August 30, 2022
Þessi stúlka
var
ég 🕊✌️ pic.twitter.com/8v2Df3ftaI
