Mynd dagsins: Björn Ingi með svaka­lega and­lits­grímu

Björn Ingi Hrafns­son, rit­stjóri Viljans, hefur vakið at­hygli fyrir beittar og góðar spurningar á upp­lýsinga­fundum al­manna­varna í kórónu­veirufar­aldrinum. Eins og komið hefur fram er Björn Ingi með bók í vinnslu um far­aldurinn og bíða margir spenntir eftir því að sjá út­komuna.

Björn Ingi birti skemmti­lega mynd af sér á Face­book í morgun, en á henni má sjá hann skarta býsna flottri and­lits­grímu til að verjast CO­VID-19. Gríman er svört en það er einna helst á­letrunum á henni sem vekur at­hygli: Björn Ingi heiti ég frá Viljanum. Við færsluna skrifar hann einfaldlega: „Búmm“

Þeir sem fylgst hafa með upplýsingafundunum hafa eflaust heyrt þessi orð frá Birni Inga, en hann hefur, þótt ótrúlegt megi virðast, setið nærri jafn marga fundi og þríeykið góða.