Mynd dagsins að þessu sinni birtist fyrst á Twitter og sýnir veðurfréttamanninn góðkunna, Sigurð Jónsson, í veðurfréttum Sjónvarps í gærkvöldi.
Twitter-notandinn Hrafnkell Sigurðsson veitti því athygli að Sigurður sýndi mynd af veðrinu eins og það er á Spáni um þessar mundir. Eðli málsins samkvæmt eru fáir Íslendingar á faraldsfæti eða í ferðahugleiðingum þessa dagana, enda þriðja bylgja kórónuveirunnar á fleygiferð hér á landi.
„Afhverju Sigurður? Afhverju ertu að gera okkur þetta? Það er enginn að fara til Spánar, við verðum öll hér norpandi fram á mitt næsta ár. Burt með þetta bara. Burt!“
Einar Örn Jónsson, íþróttafréttamaður og kollegi Sigurðar hjá RÚV, stakk upp á ákveðinni nýbreytni í athugasemd við færslu Hrafnkels.
„Nú vil ég frumleika í veðurfréttir, fyrst við erum föst hér. Veðrið á Suðurskautslandinu, Kuala Lumpur, Murmansk og Montevideo. Stöðum sem fáir fara á héðan hvort eð er.“
Afhverju Sigurður? Afhverju ertu að gera okkur þetta þetta? Það er enginn að fara til Spánar, við verðum öll hér norpandi fram á mitt næsta ár. Burt með þetta bara. Burt! pic.twitter.com/40rk0WpkH8
— Hrafnkell Sigurðsson (@hrafnkellsig) October 7, 2020
