Mynd dagsins að þessu sinni er af Íslandi og er myndin tekin úr Sentinel-3, gervitungli ESA, Evrópsku geimvísindastofnunarinnar, föstudaginn 14. ágúst síðastliðinn.
Það er ekki á hverjum degi að nánast ekkert ský sé á himni yfir Íslandi en það gerðist þó umræddan dag. Myndin birtist á vef ESA í morgun ásamt nokkrum fróðleiksmolum um landið. Bent er á að efst á myndinni vinstra megin megi sjá hafís við strendur Grænlands.
