Adolf Ingi Erlingsson, íþróttafréttamaður til fjölmargra ára, birti ansi hreint skemmtilega mynd af kollega sínum Valtý Birni Valtýssyni á Facebook-síðu sinni í gærkvöldi.
Á myndinni má sjá góðan hóp íslenskra íþróttafréttamanna í Visby í Svíþjóð fyrir margt löngu.
Segja má að Valtýr Björn skeri sig nokkuð úr og þá einna helst stórglæsilegur frakki sem Valtýr klæðist á myndinni. Í færslu sinni spyr Adolf Ingi: „Ætli Valtýr Björn eigi þennan frakka ennþá?“
Segja má að myndin hafi kætt marga og er Valtýr Björn í þeim hópi. Einn spyr hvort um sé að ræða tjaldið hans Valtýs. Þorvaldur Makan, fyrrverandi knattspyrnumaður, spyr hvort sér póstnúmer hafi fylgt með frakkanum. Því svarar Valtýr Björn með nokkrum broskörlum: „Eiginlega landið og miðin.“
