Mynd dagsins að þessu sinni birtist fyrst inn á Facebook-síðu íbúahóps í Reykjavík og sýnir bifreið sem búið er að leggja í tvö stæði. Fjörugar umræður hafa farið fram í athugasemdum við myndina þar sem sumir eru þeirrar skoðunar að svipta þyrfti ökumenn ökuréttindum sem svona gera.
Íslendingar – og eflaust fleiri – virðast hafa sérstakt óþol fyrir þeim sem leggja ökutækjum sínum í tvö stæði enda virðist oft lítill hugsanagangur liggja að baki slíkri lagningu ef svo má segja.
Myndina má sjá hér neðst og hér að neðan eru svo nokkrar athyglisverðar athugasemdir sem hafa verið settar við innleggið.
„Þessi virðist staðráðinn í að leggja akkúrat svona...“
„Það á að taka prófið af fólki sem kann ekki að leggja í stæði.“
„Mætti kannski sekta alla sem hafa dekkin á hvítri línu til að fólk leggi almennilega.“
„Því miður eru stæði allt of þröng, menn verða oft fyrir tjóni þess vegna, menn mættu taka sér stæðin við IKEA og Costco til fyrirmyndar, en svona leggja menn ekki í stæði.“
