Kötturinn Pál er í fullu starfi sem músavörður á Fosshóteli á Hellnum á Snæfellsnesi hefur verið að skemmta netverjum í dag eftir að twitter-síða með hátt í 800 þúsund fylgjendum birti mynd af starfsmannaskirteininu sem hótelið lét gera fyrir kisu.
Hátt í þúsund manns hafa deilt færslunni og sett athugasemd við myndina en fjölmargir segjist hafa hitt kisu er þeir gistu á Fosshótel á Íslandi.
„Ég hitti hana á Íslandi og gaf henni þurrkaðan fisk. Hún var æðisleg,“ skrifar Emily frá Houston Texas.
Mun þetta ekki vera í fyrsta skipti sem læðan öðlast heimsfrægð en hún var stjarnaá samfélagsmiðlum árið 2018.
Í nokkrum færslum kemur fram að læðan Pál lést fyrir tveimur árum og er um gamla mynd að ræða en Hringbraut hefur ekki getað staðfest það eins og er.
— memes i wish i could tag my cat in - no bully mode (@memesiwish) July 23, 2022
