Í staksteinumMorgunblaðsins í gær, sem ritstjórn blaðsins ber ábyrgð á, er enn og aftur verið að draga loftsbreytingar af manna völdum í efa.
Staksteinar vitna þar í grein sem Sigurður Már Jónsson blaðamaður skrifaði á á mbl.is um helgina.
„Þar segir hann meðal annars að fólk virðist stundum „gleyma því að náttúra og umhverfi eru síbreytileg. Þegar við síðan sjáum breytingarnar er eins og við óttumst þær í stað þess að skilja hvaða öfl eru að verki. Strandlengja Íslands í dag er þannig verulega ólík því sem var þegar landnámið átti sér stað. Enn lengra aftur eru ekki nema 10 til 12 þúsund ár síðan ísöld lauk og landið var hulið jökli,“ segir í staksteinum Moggans í dag.
„Ísöld er í tíma talið ríkjandi ástand á Íslandi án þess að menn skilji til fullnustu hvað setur hana af stað. Því má spyrja fólk sem ræðir hlýnun í dag hvort það vilji heldur lifa það að það kólni eða hlýni? Í hinni sögulegu hringrás hér á norðurhveli jarðar togast þessi öfl á þar sem kuldinn hefur vanalega vinninginn.“ --- Í þessu samhengi má líka nefna að efast má um að Ísland hefði byggst á sínum tíma ef að veðurfar hefði ekki verið mun mildara en síðar varð.“
„Sigurður Már bendir líka á að: „Vatnajökull hefur líklega verið klofinn á landnámsöld svo á milli mátti ferðast. Fram til aldamótanna 1900 kólnaði verulega og við höfum séð kuldatímabil koma og fara. Nú síðast í sumar um leið og hitamet eru slegin á einstaka stað í Evrópu. Stundum skortir jafnvægi og yfirsýn í þessa umræðu. Það er til dæmis enginn að ræða veðurfar í Ástralíu núna en álfan hefur undanfarið ár notið einmunablíðu, til hagsældar fyrir land og þjóð. Um það eru ekki fluttar fréttir,“ segir þar að lokum.
Kjartan Kjartansson, blaðamaður Vísis, vakti athygli á pistlinum á samfélagsmiðlum og tekur Sævar Helgi Bragason meðal annars til máls þar sem hann sakar Moggamenn um andlega leti.
Veistu, ég er farinn að hallast að því að þetta sé viljandi andleg leti. Þessir menn hreinlega nenna ekki að kynna sér hvernig þetta virkar. Og eru svo lokaðir að sönnunargögn skipta engu máli. Þeir hræddir við allar tilraunir til að geta heiminn enn betri.
— Sævar Helgi Bragason (@saevarhb) August 15, 2022
