Mörg COVID-tilfelli í gær: Smit hjá hælis­leit­endum sem búa þröngt

Tuttugu og tvö kórónu­veitu­smit greindust hér á landi í gær, tíu á landa­mærunum en tólf innan­lands. Þetta segir Rögn­valdur Ólafs­son, að­stoðar­yfir­lög­reglu­þjónn hjá al­manna­varna­deild ríkis­lög­reglu­stjóra, í sam­tali við frétta­vef Morgun­blaðsins.

Í gær­kvöldi var greint frá því að klasa­smit hefði komið upp á höfuð­borgar­svæðinu og minnst átta ein­staklingar verið fluttir í far­sóttar­húsið við Rauðar­ár­stíg.

Í fréttinni kemur fram að fimm hælis­leit­endur, sem búa þröngt, hafi greinst smitaðir og ekki sé úti­lokað að fleiri smit muni koma upp í tengslum við þá sýkingu í kjöl­farið.

Slökkvi­liðið á höfuð­borgar­svæðinu, sem annast sjúkra­flutninga, hefur haft í nægu að snúast að undan­förnu en í gær voru farnir 113 sjúkra­flutningar, þar af 17 vegna CO­VID-19.