Guðlaug Ingvadóttir, móðir Guðmundar Felix Grétarssonar, sem þekktur er fyrir að gangast undir handaágræðslu í Frakklandi, hnébrotnaði í dag er loftbelgur með hana og tíu aðra Íslendinga innanborðs brotlenti í Frakklandi. Slysið átti sér stað um klukkan hálf níu í morgun að staðartíma en karfa loftbelgsins kollvarpaðist við lendingu.
Guðlaug og önnur kona voru fluttar á Loche-sjúkrahúsið í nágrenni slysstaðarins. Voru meiðsli hennar minni en Guðlaugar.
Rannsókn er hafin á tildrögum slyssins. Guðmundur Felix og eiginkona hans, Sylwia Grétarsson Nowakowska, munu aðstoða móður hans í framhaldinu.
