Mis­tök í heil­brigðis­ráðu­neytinu gætu reynst sjúk­lingum dýr: „Okkur nauðugur einn kostur að taka fullt gjald af þér“

Reglu­gerð um niður­greiðslu kostnaðar sjúk­linga vegna sér­greina­lækninga rann út vegna mis­taka í morgun þar sem það gleymdist að endur­nýja hana.

Þetta kemur fram í frétt RÚV en þar segir að mis­tökin verða leið­rétt seinna í dag en margir sjúk­lingar þurftu að greiða fullt gjald fyrir þjónustu í morgun.

Sam­kvæmt RÚV sendu sér­grein­lækna­stofur póst á alla sjúk­linga sína í morgun og þeim til­kynnt að þeir yrðu að greiða fullt gjald fyrir þjónustu. Heil­brigðis­yfir­völd voru þar sögð bera alla á­byrgð á á­standinu.

Í pósti einnar lækna­stofu til sinna sjúk­linga segir: „Frá og með 1. septem­ber 2022 er því engin heimild í lögum eða reglu­gerðum fyrir því að SÍ greiði hluta kostnaðar sjúk­linga beint til lækna til hag­ræðis fyrir sjúk­linga og SÍ. Því er okkur nauðugur einn kostur að taka fullt gjald af þér fyrir komuna í dag eins og gert er ráð fyrir í lögum um Sjúkra­tryggingar þegar ekki er til staðar samningur."

Heil­brigðis­ráðu­neytið segir að mann­leg mis­tök hafi valdið því að reglu­gerðin var ekki endur­nýjuð.

Sjúkra­tryggingar Ís­lands munu koma til móts við þá sem urðu að borga fullt gjald fyrir sér­greina­lækna­þjónustu í morgun.

Sjúkra­tryggingar Ís­lands og heil­brigðis­ráð­herra hafa ekki samið við sér­greina­lækna um þátt­töku í kostnaði sjúk­linga frá árinu 2018 og þess í stað hafa verið gefnar út reglu­gerðir þar um.