Marteinn Jónasson, líkt og aðrir íbúar í borginni, hefur orðið var við snjómokstursvanda Reykjavíkurborgar. Hann hefur hins vegar lausn upp í erminni sem kemur frá landi hinna frjálsu, Bandaríkjunum.
„Hér er hugmynd fyrir þetta bjarglausa lið þarna í Ráðhúsi Reykjavíkur - í NYC skella þeir tönnum framan á ruslabílana og nota þá í snjómokstur þegar það kemur snjóstormur - ekki eins og það sé verið að nota bílana og mannskapinn í ruslatæmingu í snjóstormi. Þetta er frítt ráð og Þórdís Lóa þú kannski kemur þessi í gagnið,“ skrifar Marteinn og merkir við Þórdísi í færslunni.
Þórunn Reynisdóttir tekur undir með Marteini og segir það eigi að senda borgarstjórn til Bandaríkjanna í kennslu.
Sigurjón Ragnar bendir þá á ein vandkvæði við þessa hugmynd og það er sú að „ruslabílinn kemur aldrei“ í Reykjavík.
Þórdís Lóa Þórhallsdóttir, oddviti Viðreisnar í borgarstjórn, tekur hins vegar undir með Marteini og segir „frábær hugmynd.“
Marteinn segir þá að lokum að Þórdís fái hugmyndina frítt „gegn því að að þú vaðir í þetta“
