UNICEF á Íslandi hefur birt skemmtilegt myndband þar sem nokkrir þjóðþekktir Íslendingar eru spurðir hvað þeir fengu í jólagjöf í fyrra.
Það er skemmst frá því að segja að fæstir muna svo langt aftur í tímann, en meðal þeirra sem reyna að svara spurningunni eru Þórdís Kolbrún Reykfjörð Gylfadóttir, ferðamála- og iðnaðarráðherra, Guðjón Guðmundsson íþróttafréttamaður, Sigrún Ósk Kristjánsdóttir dagskrárgerðarkona og Ævar Þór Benediktsson rithöfundur.
Um er að ræða kynningarmyndband fyrir Sannar gjafir UNICEF en um er að ræða lífsnauðsynleg hjálpargögn fyrir bágstödd börn. Gjöfunum, sem hægt er að kaupa í vefverslun UNICEF, er dreift til barna og fjölskyldna þeirra í samfélögum þar sem þörfin er mest.
Myndbandið má sjá hér að neðan og hér má kynna sér Sannar gjafir nánar.
