Mannanafnanefnd samþykkti í dag átta ny eiginnöfn í dag en þau eru Nieljohníus, Villiblóm, Paradís Diddi, Karna, Amarie, Hildís, Þórunnborg, Mattheó, Ivan og Ýda.
Nefndin kvað upp úrskurði sína 1. mars en þeir voru birtir á vefsíðu stjórnarráðs nýlega.
Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:
- Eiginnafn skal geta tekið íslenska eignarfallsendingu eða hafa unnið sér hefð í íslensku máli.
- Nafnið má ekki brjóta í bág við íslenskt málkerfi.
- Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
- Eiginnafn má ekki vera þannig að það geti orðið nafnbera til ama.
„Eiginnafnið Nieljohníus (kk.) uppfyllir skilyrði nr. eitt, tvö og fjögur hér að framan. Það tekur íslenskri eignarfallsendingu,“ segir í einum úrskurði stofnunarinnar.
Ýda og Amarie vou samþykkt eftir að hafa verið hafnað áður en Mannanafnanefnd hefur gefið út að til standi að slaka á kröfum.
