Máni: „Í dag virðast aðal­lega vera bjánar á þingi“

„Þó þessi orð hans afa míns séu að rúm­lega 30 ára gömul eiga þau vel við í dag,“ segir út­varps­maðurinn Þor­kell Máni Péturs­son á Face­book-síðu sinni.

Þar birtir hann úr­klippu úr gömlu við­tali við afa hans, Björn Páls­son frá Löngu­mýri. Björn var þing­maður Austur-Hún­vetninga í mörg herrans ár, eða frá 1959 til 1974, og sat hann á þingi fyrir Fram­sóknar­flokkinn. Um­rætt við­tal sem Máni vísar til birtist á for­síðu Vísis árið 1979 en fyrir­sögn þess var: „Þá var enginn bjáni í þinginu“.

„Hann var bóndi eins og svo margir Fram­sóknar­menn. Þegar hann sat á þingi var þing­mennska auka starf. Menn buðu sig fram því þeir raun­veru­lega vildu hafa ein­hver á­hrif á sam­fé­lagið og þeir voru í tengslum við sam­fé­lagið sitt,“ segir Máni í færslu sinni.

Hann bendir á að í dag séu aðrir tímar. „Í dag ætlar þing­heimur að hækka skatta á veitinga­menn. Starfs­grein sem hefur meira og minna þurft að hafa lokað hjá sér allt þetta ár. Í dag ætlar þing­heimur að hækka af­nota­gjöld á RÚV, lækka fram­lögin til þeirra og láta frjálsa fjöl­miðla fá ein­hverjar 400 millur. RÚV mun að sjálf­sögðu ekki þurfa skera niður,“ segir Máni og bætir við að RÚV muni sækja þessa peninga af fullri hörku á aug­lýsinga­markaðinn.

„Í dag er þing­heimur með land­búnaðar­ráð­herra sem segir að það sé val að vera bóndi. Það sé lífs­stíll. Hann er með tæpar 2 milljónir í mánaðar­laun og bíl­stjóra,“ segir Máni sem endar færsluna á þessum orðum:

„Í dag virðast aðal­lega vera bjánar á þingi.“