Ísabella von sem hefur sætt hrottalegu einelti af hálfu jafnaldra sinna í rúmt ár og reyndi að svipta sig lífi í fyrradag er á leið til Flórída með móður sinni. Ísabella á þar frændfólk og eldri systur.
Ingibjörg Gróa, frænka Ísabellu sem stóð fyrir söfnuninni fyrir, greinir frá þessu á Facebook.
„Stuðningur og styrkur samlanda okkar skilur okkur frænkur eftir orðlausar & meyrar! Rétt í þessu tilkynnti ég Ísabellu Von að þökk sé framlagi yfir hundruði samlanda okkar sé hún og móðir hennar á leið til Flórída,“ skrifar Ingibjörg.
„Söfnunin fór framm úr okkar björtustu vonum. Það var hafnfirskt fyrirtæki sem hafði samband og ætlar að sjà um flugið fyrir þær mæður, söfnunin dugar svo fyrir hóteli og ýmiskonar afþreyingu fyrir þær mæðgur. Að finna og sjà fjölda fólks sem er tilbúið í að sameinast til að gleðja unga stelpu, leyfa henni að finna öryggi og tilhlökkun à ný eftir erfitt ár er aðdáunarvert í alla staði og sýnir að kærleikurinn og góðmennskan er àvalt meiri þótt reiði & hatur reynir að ná yfirhöndinni inn à milli!“
„Við vonum að umræðan seinasta sólarhring sé àminning til allra um að vanda sig ávalt í samskiptum við aðra og sýna börnunum góð fordæmi því þau læra það sem fyrir þeim er haft. Fyrir ykkur sem eruð að upplifa einelti , ég sendi ykkur styrk og vona að vitundarvakning hafi orðið í samfèlaginu og verði eineltis forvarnir og viðbragðsàætlanir endurskoðaðar,“ skrifar Ingibjörg.
„Þakklæti er ekki nægilega stórt orð til að lýsa seinasta sólarhring , Þakklàtust er ég fyrir að Ísabella Von sé enn hér hjà okkur og sjài alla ástina og kærleikan sem umvefur hana þessa stundina,“ skrifar hún að lokum.
