Ólafur Torfason er maðurinn á bak við myndskeiðið sem gerði allt vitlaust í gær segir að um grín hafi verið að ræða.
Hann birti falsað myndskeið af hraðbanka Landsbankans þar sem átti að standa „Edda Falak vinnur ekki í þessum banka“
Ólafur steif fram í viðtali í Bítinu á Bylgjunni og sagði að einungis hafi verið um grín að ræða.
„Þetta var sunnudagsgrín hjá mér. Ég ákvað bara að sprella svolítið, Edda Falak er búin að vera mikið í fréttum undanfarið og ég ákvað að gera bara smá grín um það,“ sagði Ólafur. Hann greindi frá því að hann hafi útbúið myndina í forriti en gert þau mistök að gera myndina of raunverulega.
Hann sagði þetta falsfrétt en allt gert í góðu gríni.
Landsbankinn þurfti að spila vörn í gær á samfélagsmiðlum og benda fólki á að myndbandið væri falsað
„Umrætt myndskeið og skjáskot úr því eru fölsuð. Á myndinni og myndskeiðinu er texti sem vísar til starfra nafngreindrar konu. Um er að ræða fölsun og að sjálfsögðu hefur slíkur texti aldrei birst í hraðbanka Landsbankans. Okkur þykir miður að einhver sjái sér hag í að vega að umræddi manneskju með þessum ósmekklega hætti,“ skrifaði Karítas Ríkharðsdóttir, sérfræðingur í samskiptum hjá Landsbankanum, víða á Facebook.
