Full vél af bólusettum bandarískum ferðamönnum lenti á Keflavíkurflugvelli í morgun. Rætt var við Jóhannes Þór Skúlason, framkvæmdastjóra Samtaka ferðaþjónustunnar vegna málsins í hádegisfréttum Bylgjunnar.
Áður hefur komið fram að í dag komi átta farþegavélar til landsins, sú fyrsta lenti í morgun og sjö eru væntanlegar síðar í dag, þar af tvær frá hááhættusvæðum með nýgengi smita yfir 700. Rauði krossinn opnaði fjórða sóttkvíarhótelið á landinu í dag, á Hótel Kletti við Mjölnisholt.
„Þessi vél er kannski fyrsta vélin sem er að koma með detikeraða ferðamenn. Það sýnir það að ferðamannasumarið er kannski að hefjast núna,“ segir Jóhannes Þór.
Aðspurður að því hverjir muni koma hingað til lands í sumar segir hann:
„Til að byrja með verða það aðallega bólusettir ferðamenn. En við munum þurfa að bíða heldur lengi eftir fólki frá meginlandi Evrópu.“
