Lúð­vík í á­hættu­hópi en skilur ekki alla þessa tauga­veiklun

„Nú hefur kórónu­f­lensan borist til landsins sem betur fer. Ég fæ ekki skilið þá tauga­veiklun sem tröll­ríður öllu og frétta­miðlar iða í skinninu.“

Þetta segir Lúð­vík Vil­hjálms­son eftir­launa­þegi í að­sendri grein í Morgun­blaðinu í dag. Lúð­vík skrifar þarna um kóróna­veiruna sem veldur CO­VID-19 sjúk­dómnum. Í gær­kvöldi voru smitin hér á landi orðin 65 talsins og er ó­hætt að segja að heil­brigðis­yfir­völd hér á landi, sem og annars staðar, líti málið al­var­legum augum enda getur veiran verið mjög skæð þeim sem eru í á­hættu­hópi.

Lúð­vík segir að flensan sé nú í rénun í Kína, landinu þar sem veiran á upp­runa sinn. Er­lendir fjöl­miðlar greina nú frá því að að­eins 19 ný til­felli hefðu komið upp í landinu undan­farinn sólar­hring og 17 látist.

„Kín­verjar eru sjálf­sagt einar 1.400 milljónir og þar hefur ekki orðið mikil fækkun, reyndar nánast engin. Þar sem vitað er að flensan er komin hingað vona ég að hún gangi sér til húðar fljótt. Best er að ljúka þessu af sem fyrst. Það styttist í lands­leik í fót­bolta á Laugar­dags­velli. Verður hann háður fyrir „luktum dyrum,“ sem sagt engir á­horf­endur. Ef til vill ætla menn að seinka 1. maí há­tíða­höldum en 17. júní sleppur hugsan­lega. Í júní ætti mér að vera ó­hætt að skreppa á völlinn og verða vitni að enn einu tapi liðs míns í fót­bolta. Ung­dómurinn getur svo farið á úti­skemmtanir yfir verslunar­manna­helgina og for­eldrar þeirra skroppið til Mið­jarðar­hafsins í sangría og sól,“ segir Lúð­vík í grein sinni.

Kín­versk yfir­völd hafa gripið til rót­tækra að­gerða til að hefta út­breiðslu veirunnar og virðist það hafa skilað góðum árangri eins og að framan greinir.

„Ég hef séð myndir í sjón­varpi frá Kína þar sem ber að líta breið­stræti með mörgum ak­reinum en engri um­ferð bíla né gangandi. Allir virðast heima undir sæng. Ekki sé ég slíkt gerast á Ís­landi nema ef vera skyldi Lauga­vegurinn en það er víst af öðrum or­sökum. Ég held að það hafi verið hinn á­gæt­lega spaug­sami Kalígúla keisari Rómar sem fór niður á strönd með svipu í hönd og hýddi sjóinn fyrir að granda skipum hans. Mér sýnist um­stangið hér vera á svipuðum nótum.“

Lúð­vík bendir svo á að þeir sem hafa látist af völdum CO­VID-19 séu flestir aldraðir og þar að auki heilsu­litlir.

„Það er ný­lunda að stjórn­völd hafi miklar á­hyggjur af þessum hópi og hefur hann helst verið til ó­þurftar. Hann tekur pláss á spítölum og brúkar stundum munn um van­þakk­læti heimsins. Sjálfur er ég í á­hættu­hópnum enda löngu lög­gilt gamal­menni. „Eitt sinn skal hver deyja“ segir ein­hvers staðar og öll erum við feig á endanum,“ segir Lúð­vík að lokum.