Tónlistarmaðurinn Logi Pedro segist hafa fengið margar fyrirspurnir í vikunni um hvort hann ætli að bjóða sig fram í prófkjöri Samfylkingarinnar. Logi segir það af og frá.
„Ég er búinn að fá margar fyrirspurnir varðandi prófkjör hjá samfylkingunni í vikunni. það er einhver misskilningur um það að ég liggi undir feldi. ég er ekki pólítíkus, það er ekki fyrir mig, not my tempo,“ skrifar Logi á Twitter. „Er bara unglingur að þykjast vera listamaður,“ bætir hann við
Samfylkingarfélagið í Reykjavík samþykkti í desember að fyrir borgarstjórnarkosningar í Reykjavík verði valið á lista með bindandi flokksvali í sex efstu sætin á lista flokksins.
