Líkir Eddu Falak við talí­bana og Andrés Ingi gáttaður á nafn­leysinu

Andrés Ingi Jóns­son, þing­maður Pírata, deilir að­sendri grein Guð­mundar Odds­sons, fyrr­verandi skóla­stjóra og fyrr­verandi vara­þing­manns Al­þýðu­flokksins sem birtist í Morgun­blaðinu í dag, á Twitter síðu sinni. Hann segir at­hyglis­vert að á­hrifa­valdurinn Edda Falak sé þar hvergi nefnd á nafn.

Þar gerir Guð­mundur á­hrifa­valda að um­tals­efni. Þar segist hann hafa horft á Kast­ljós á dögunum og er nokkuð ljóst að þar á hann við við­tal Kast­ljóss við Eddu nú á dögunum. „Á­hrifa­valdurinn í áður­nefndum Kast­ljós­þætti minnti mig ó­þægi­lega á talí­banana í Afgan­istan, þar sem dóm­harka og of­stæki ráða för,“ segir Guð­mundur meðal annars og spyr hvort Ís­lendingar séu virki­lega komnir á sama stað og talí­banar.

„Á­huga­vert hvað kallar sem skrifa pistla um Eddu Falak vanda sig alltaf að nefna hana ekki á nafn. Svo er pínu fyndið að skrifa 350 orð um að maður eigi ekki eitt einasta orð,“ skrifar Andrés Ingi.

Áhugavert hvað kallar sem skrifa pistla um @eddafalak vanda sig alltaf að nefna hana ekki á nafn.

Svo er pínu fyndið að skrifa 350 orð um að maður eigi ekki eitt einasta orð. pic.twitter.com/JOIYBaqEBx

— Andrés Ingi (@andresingi) September 8, 2021