Líkamsleifar manns grafnar upp á Vestfjörðum eftir að lögregla fékk ábendingu

Líkams­leifar manns sem lést af slys­förum fyrir nokkrum ára­tugum voru grafnar upp úr kirkju­garði á Vest­fjörðum síðast­liðinn föstu­dag. Þetta kemur fram í skeyti sem lög­reglan á Vest­fjörðum birti á Face­book-síðu sinni nú í há­deginu.

Í til­kynningunni kemur fram að Lög­reglu­stjórinn á Vest­fjörðum hafi áður, með vitund og sam­þykki nánustu að­stand­enda hins látna, fengið dóms­úr­skurð til þessara að­gerða.

„Hópur lög­reglu­manna af Vest­fjörðum, á­samt tveimur tækni­deildar­mönnum lög­reglunnar á höfuð­borgar­svæðinu, auk réttar­læknis og að­stoðar­manns hans, unnu við upp­gröftinn.“

Í til­kynningunni kemur fram að að­dragandi þessarar að­gerðar sé sá að lög­reglunni á Vest­fjörðum hafði borist á­bending um að um­rætt slysa­at­vik hafi ekki verið upp­lýst nægjan­lega á sínum tíma.

„Þrátt fyrir að langur tími sé liðinn eru taldar líkur á því að hægt sé að upp­lýsa nánar um til­drög at­viksins sem um ræðir. Líkams­leifarnar eru nú til rann­sóknar hjá réttar­lækni og beðið er niður­stöðu þeirrar vinnu. Ó­víst er hversu langan tíma þessi réttar­læknis­fræði­lega rann­sókn tekur og ó­tíma­bært að veita frekari upp­lýsingar um mál þetta.“