Líf­eyris­sjóðurinn ætlaði ekki að upp­lýsa um 700 milljóna króna niður­færslu

„Ef stjórn líf­eyris­sjóðs finnst mikil­vægt að segja í skýrslu sinni frá því að vef­síða sjóðsins hafi fengið til­nefningu til ein­hverra vef­verð­launa þá hlýtur ekki síður að skipta máli að segja frá sér­stakri niður­færslu fjár­festingar sem í upp­hæðum er helmingurinn af öllum rekstrar­kostnaði sjóðsins.“

Þetta segir Hall­dór Frið­rik Þor­steins­son, stjórnar­maður í Frjálsa líf­eyris­sjóðnum, í at­hyglis­verðri grein í Frétta­blaðinu í dag. Í grein sinni gagn­rýnir fé­laga sína í stjórninni fyrir að ætla ekki að upp­lýsa sjóð­fé­laga um 700 milljóna króna niður­færslu á fjár­festingu í Kísil­málm­verk­smiðjunni á Bakka.

Hall­dór vekur máls á þessu en hann kveðst hafa gert þann fyrir­vara við sam­þykkt árs­reiknings líf­eyris­sjóðsins að rétt væri að upp­lýsa sjóð­fé­laga um niður­færsluna.

„Ekki stóð til að fjalla sér­stak­lega um niður­færsluna í árs­reikningnum og fyrir því voru nefndar nokkrar á­stæður. Ein var sú að aðrir sjóðir gerðu það ekki, önnur að þetta væri ekki ein af tuttugu stærstu fjár­festingum sjóðsins,“ segir Hall­dór sem vísar í lög um árs­reikninga þar sem fram koma skýrar kröfur um gegn­sæi í árs­reikningum líf­eyris­sjóða.

Í grein sinni varpar Hall­dór svo ljósi á fjár­festingu Frjálsa líf­eyris­sjóðsins sem fór fram í gegnum ó­skráð fé­lag, Bakka­stakka ehf., árið 2014. Þar sem um ó­skráð fé­lag var að ræða eru bréf þess ekki skráð í kaup­höll og því var það í verka­hring stjórnar sjóðsins að taka á­kvörðun um fjár­festinguna.

„Slíkar fjár­festingar eru í mörgum til­fellum metnar á svo­kölluðu gang­virði (fair valu­e). Þar sem ekki er virkur markaður með ó­skráðar fjár­festingar þarf að meta virði þeirra sér­stak­lega á hverjum tíma ef á­stæða er til að ætla að það hafi breyst að ein­hverju ráði milli tíma­bila. Rétt er að taka fram að ó­skráðar fjár­festingar líf­eyris­sjóða eru lítill hluti heildar­fjár­festinga og þær eru fremur fá­tíðar,“ segir Hall­dór sem bendir á að líkt og skráðar fjár­festingar geta ó­skráðar fjár­festingar farið illa. Það eigi þó ekki að vera feimnis­mál að greina frá því. Segir hann að til­gangurinn með árs­reikningi líf­eyris­sjóða sé að vera eins­konar upp­lýsinga­rit fyrir sjóð­fé­laga.

Grein Hall­dórs má lesa í heild sinni í Frétta­blaðinu en þar gagn­rýnir hann einnig að stjórnar­menn sjóðsins skuli sitja í endur­skoðunar­nefnd hans.