Í október síðastliðnum lést íslensk kona á sextugsaldri úr Creutzfeldt-Jakob (CJS) sjúkdómnum. Fréttablaðið greinir frá málinu.
Þar segir að á næstliðnum fimmtán árum hafa þrír látist á Íslandi úr hinum afar sjaldgæfa og ólæknandi taugasjúkdómi Creutzfeldt-Jakob. Smitleiðir eru ekki þekktar. Creutzfeldt-Jakob leggst aðallega á fólk yfir miðjum aldri.
Fréttablaðið ræðir við Önnu Margréti Halldórsdóttur, yfirlækni á sóttvarnasviði Embættis landlæknis.
„Við höfum einnig fengið upplýsingar frá Landspítala um tvo aðra einstaklinga sem létust úr þessum sjúkdómi á síðari árum, annar árið 2020 og hinn árið 2007. Þannig er um þrjá einstaklinga að ræða á 15 árum hérlendis sem við höfum upplýsingar um,“ segir Anna Margrét.
Frétt Fréttablaðsins í heild sinni.
