Myndband, sem er í mikilli dreifingu og sýnir innrás fjölda grímuklæddra manna í Bankastræti Club síðastliðinn fimmtudag, er talið koma úr gagnagrunni lögreglunnar.
Grímur Grímsson, yfirmaður miðlægrar deildar lögreglu á höfuðborgarsvæðinu, staðfestir að þessar grunsemdir séu til staðar í samtali við Fréttablaðið og segir að málið sé til skoðunar. „Við lítum þetta mál mjög alvarlegum augum, ef þetta er eins og virðist blasa við þá er þetta trúnaðarbrestur,“ segir Grímur.
Þá segir hann að ef þessi skoðun muni benda til þess að myndbandið komi úr röðum lögreglunnar verði það sent til Héraðssaksóknara. Um væri að ræða brot í opinberu starfi.
Á einum tímapunkti í myndbandinu sést í bakgrunn á tölvuskjá þess sem tekur upp en þar hafa nokkrir bent á að sjáist í LÖKE-kerfi lögreglunnar sem og Tekjukerfi ríkisins.
Grímur getur ekki tjáð sig um hvort einhver sé grunaður í málinu, en segir að grunsemdir hafi vaknað um að myndbandinu hefði verið lekið frá lögreglunni þegar það fór í mikla dreifingu í gærkvöldi.
Í myndbandinu sem um ræðir sést hvernig fjölmargir grímuklæddir einstaklingar ráðast inn í VIP-herbergið á Bankastræti Club og hlaupa að þremur einstaklingnum.
Greint hefur verið frá því í fjölmiðlum að tæplega þrjátíu manns hafi ráðist á þrjá menn um tvítugt og stungið þá margsinnis.
Það er því mikil eftirvænting eftir ráðstefnunni 29. nóvember þegar niðurstöðurnar verða kynntar.
