Leita Ís­lendings sem spennti ekki beltin í Eyjum

Í Lög­birtinga­blaðinu má stundum finna ó­venju­leg mál, mis­alvar­leg eins og gengur og gerist. Í dag birtist þar á­kæra gegn Ís­lendingi sem er skráður til heimilis í Noregi. Manninum er gefið að sök að hafa, eftir há­degi föstu­daginn 5. júlí 2019, ekið bif­reið sinni án þess að nota öryggis­belti.

Lög­regla stöðvaði akstur mannsins á Kirkju­vegi í Vest­manna­eyjum.

„Á­kærði er kvaddur til að koma fyrir dóm, hlýða á á­kæru, halda uppi vörnum og sæta dómi. Sæki á­kærði ekki þing má hann búast við því að fjar­vist hans verði metin til jafns við það að hann viður­kenni að hafa framið brot það sem hann er á­kærður fyrir og dómur verði lagður á málið að honum fjar­stöddum,“ segir í á­kærunni sem birt er í Lög­birtinga­blaðinu.

Lög­reglu­stjórinn í Vest­manna­eyjum krefst þess að maðurinn verði dæmur til refsingar og greiðslu alls sakar­kostnaðar.