Leigubílstjórar mættu fyrir utan ráðherrabústaðinn í morgun og þeyttu lúðra í mótmælaskyni vegna fyrirhugaðs frumvarps innviðaráðherra um breytingar á lögum um leigubílaakstur.
Fréttablaðið birtir myndband af mótmælunum og greinir frá því að lögreglan hafi skorist í leikinn. Leigubílstjórar fengu ekki að fara inn á fund ríkistjórnarinnar í ráðherrabústaðnum.
„Bandalag íslenskra leigubílstjóra biður ríkisstjórnina um að veita starfandi leigubílstjórum áheyrn vegna lagafrumvarps um leigubifreiðaakstur,“ las formaður bandalagsins upp fyrir utan ráðherrabústaðinn en í myndbandi Fréttablaðsins má heyra leigubílstjórana flauta ákaft.
Frétt Fréttablaðsins má lesa hér.
