Leggur til að börnin fái að ráða því meira sjálf hvað þau læra í skólanum

„Ég legg til að við fjölgum val­fögum og leyfum náms­fólki að ráða því meira sjálfu hvað það lærir, þannig að hæfi­leikar hvers nemanda nýtist,“ segir Thomas Möller, hag­verk­fræðingur og sér­fræðingur í rekstrar­stjórnun, í bak­þönkum Frétta­blaðsins í dag.

Thomas leggur þar til á­kveðna hluti sem ef­laust margir geta verið sam­mála um. Þegar hann rifjar upp sína skóla­göngu man hann hvað kennslan ein­kenndist of af því að læra gamlan fróð­leik utan­bókar.

„Auð­vitað er nauð­syn­legt að allir læri að lesa, skrifa og reikna en þurftum við endi­lega að kunna skil á við­tengingar­hætti þá­tíðar og þá­skildaga­tíð svo dæmi séu tekin? Ég man enn hvaða ár renna í Norður-Ís­hafið og nöfn flestra biskupa á Ís­landi. Í dag finnum við svörin á Goog­le. Námið í Versló reyndist að vísu góður grunnur fyrir verk­fræði­námið og þar lærði ég vél­ritun sem ég nota núna við gerð þessara bak­þanka,“ segir hann.

Thomas bendir á að börn sem eru að byrja í grunn­skóla núna komi mörg inn á vinnu­markaðinn eftir árið 2035. „Ef við ætlum að undir­búa æsku landsins fyrir breytta heims­mynd þarf að kenna henni að nálgast upp­lýsingar á netinu. Kenna þarf gagn­rýna hugsun í auknum mæli sem og á­ræði og að­lögunar­hæfni á tímum hraðra breytinga. Að auki ætti að kenna æskunni að leysa vanda­mál og verk­efni í teymum. Einnig ætti að stuðla að auknu frum­kvæði nem­enda og for­vitni, skapandi hugsun og lífs­leikni. Ég tek fram að margir skólar eru ein­mitt að kenna ofan­greind fög í dag og eiga þeir þökk skilið.“

Þá leggur hann til að val­fögum verði fjölgað og náms­fólkið, börnin, fái að ráða því meira sjálf hvað þau læra þannig að hæfi­leikar hvers nemanda nýtist.

„Leyfum af­burða­nem­endum að njóta sín betur og styðjum við þá sem þurfa að­stoð. Við getum horft til reynslu Finna í þessum efnum sem hafa fækkað skyldu­fögum en láta nem­endur vinna meira að þema­verk­efnum. Í Finn­landi geta skólar mótað sína náms­skrá að mestu sjálfir enda eru náms­menn þar með einn besta náms­árangur í heiminum. Val­frelsið er mikil­vægara en utan­bókar­lær­dómur að mínu mati. Eða manst þú hvað höfuð­borg Sómalíu heitir? Gúglaðu það!“