Launa­hækkun þing­manna komin í hús: Björn Leví fékk 915 þúsund í vasann

„Nú er kominn launa­seðill fyrir næsta mánuð. Hækkunin er komin og aftur­virk,“ segir Björn Leví Gunnars­son, þing­maður Pírata, í færslu á Face­book-síðu sinni.

Björn segir að þetta þýði að út­borguð laun, með leið­réttingunni eftir skatt, hljóði upp á 915 þúsund krónur. Heildar­laun fyrir skatt, með leið­réttingu, eru 1.518.069 krónur.

Laun þing­manna áttu að hækka um 6,3% um síðustu ára­mót en fram­kvæmd hækkunarinnar var frestað. Nokkuð hefur verið deilt um þessar hækkanir.

Hall­dóra Mogen­sen, þing­maður Pírata, spurði Bjarna Bene­dikts­son fjár­mála­ráð­herra, ný­lega að því hvort eðli­legt væri að þing­menn hækkuðu í launum á þessum tímum.

Þing­flokkar Pírata, á­samt þing­flokki Sam­fylkingarinnar og Flokks fólksins og Andrési Inga Jóns­syni lögðu fram frum­varp á Al­þingi á dögunum um að fella niður launa­hækkun þing­manna og ráð­herra frá 1. janúar 2020. Lagt var til að launin yrðu leið­rétt þannig að öll aftur­virk réttindi frá fyrsta janúar falli niður.

Í frétt Kjarnans frá því 8. apríl kom fram að laun þing­manna hefðu hækkað um tæpar 70 þúsund krónur á mánuði, í 1.170.569 krónur á mánuði. Þá hækkuðu laun for­sætis­ráð­herra um 127 þúsund krónur, í 1.149.200 krónur á mánuði.