„Það er ljóst að það verða erfiðar ákvarðanir þegar fram í sækir“, segir Brynjar Níelsson sem situr í Viðskipta- og efnhagsnefnd Alþingis fyrir Sjálfstæðisflokkinn.
Aðgerðir í tíu liðum í efnahagsmálum sem nefnast Varnir, Vernd og Viðspyrna var kynnt af hálfu formanna ríkisstjórnarflokkanna á laugardag. Áætluð áhrif eru 230 milljarðar en sitthvað mun koma til baka í ríkissjóð þegar fram líður. Aðgerðirnar eru til að sporna við samdrætti vegna áhrif Covid – 19 smitanna á þjóðfélagið.
Aðgerðirnar
Þarna má finna tímabundinn stuðning við atvinnulífið og fjölskyldur með frestun á greiðslu ýmissa opinberra gjalda, ríkisstuðning við launagreiðslur starfsmanna í sóttkví, óskilyrta úttekt séreignasparnaðar og stuðning til fyrirtækja með svokölluðum Brúarlánum sem ríkið ábyrgist, barnabótaauka og tímabundna niðurfellingu gistináttagjalds sem og hraðari lækkun bindiskyldu bankanna. Hlutastarfaleiðin var einnig kynnt og viðbótarfjárfestingar hins opinbera koma til framkvæmda fyrir 20 milljarða króna koma til á þessu ári.
Brynjar Níelsson, Sjálfstæðisflokki sem situr í efnahags- og viðskiptanefnd ræddi í dag við Lindu Blöndal niðri á Alþingi og þá um hvaða atriði hefði mestan slagkraft strax.
„Það er náttúrulega frestun á gjalddögum sem hefur mikinn slagkraft srax og svo eru það hin svokölluðu Bruarlán þar sem ríkið og bankarnir fara í það að brúa þetta bil sem við vitum ekki hvað verður langt, þannig að menn eiga að geta haldið úti einhverri starfsemi þannig að fólk fær einhver laun þannig að ríkið grípur þá undir þar sem menn missa atvinnuna eða hluta af starfinu“.
„En auðvitað er þetta bara í endurskoðun. Þetta er stanslaus endurksoðun því við vitum aldrei alveg hvernig málin þróast“.
Það kemur þó að gjalddaga, opinber gjöld verða bara tímabundið frestað.
Er ekki einhver hætt á því að þegar allt er yfirstaðið að þetta falli af tvöföldum þunga á viðkomandi?
„Nei við gerum ráð fyrir löngu tímabili, menn geti greitt niður á löngu tímabili en auðvitað verður þetta erfitt fyrir einhverja, við vitum aldrei alveg hvernig þetta þróast“.
„Það er ljóst að það verða erfiðar ákvarðanir þegar fram í sækir“, segir Brynjar og bætir við: „Það er bara spurning hvað við getum haldið þetta úti lengi. Þetta er alltaf á kostnað okkar allra“.
Beinist að lífvænlegum fyrirtækjum
Í aðgerðunum er talað um lífvænleg fyrirtæki sem á að hjálpa.
Er ljóst hvernig á að meta hvaða fyrirtæki það eru? Hverjir mega falla og hverjir mega standa?
„Við stjórnmálamenn tökum ekki þessar ákvarðanirÞað verður bara að meta það þegar ástandið er liðið, hverjir eiga möguleika, hverjir ná sér upp. Sumir munu bara ekkert ná sér upp og kannski fallið þrátt fyrir allt“.
„Þetta verður auðvitað vandamál. Allt sem er lífvænlegt látum við ekki falla“, segir Brynjar og líkt og Icelandair sem sagði upp tugi manns í dag sé þannig fyrirtæki. Það sé ríkisins að halda því á lífi. Það sé dæmi um lykilfyrirtæki í samfélaginu.
