Langar raðir við verslanir um helgina: „Þeir mega hafa 200 manns en við bara tíu“

Guð­mundur Hjalta­son, fram­kvæmda­stjóri Elko, segir að á­kveðin mót­sögn sé fólgin í að­gerðum yfir­valda um fjölda­tak­markanir í verslunum.

Langar raðir mynduðust víða við verslanir á höfuð­borgar­svæðinu um helgina enda rétt rúmur mánuður til jóla. Tíu manns mega koma saman í verslunum en fleiri eru þó leyfðir í mat­vöru­verslunum og apó­tekum svo dæmi séu tekin.

Gestur er í við­tali í Morgun­blaðinu í dag og segir hann að vel hafi gengið að stýra að­gengi fólks að verslunum Elko. Hann segir þó að vel væri hægt að tryggja fjar­lægðar­mörk þó fleiri yrði hleypt inn.

„Maður hefur mestar á­hyggjur af röðum, enda ráðum við ekki við þær. Þær eru í raun utan okkar verk­sviðs, en þetta hefur gengið merki­lega vel,“ segir hann og bætir við að hann hafi fullan skilning á sótt­varnar­að­gerðum yfir­valda.

„Ég skil alveg að­stæður og veit að það er erfitt að gera undan­tekningu. Elko í Lindum er jafn­stór og Krónan, sem er næsta verslun við okkur. Þeir mega hafa 200 manns en við bara tíu,“ segir hann.

Sig­ríður Á Ander­sen, þing­maður Sjálf­stæðis­flokksins, tekur undir þetta og segir reglurnar vera orðnar of flóknar. „Ég held að þetta sé eitt­hvað sem menn verði að út­skýra. Eina sem ég veit fyrir víst er að fólk á ekki að norpa úti í kuldanum.“