Kristinn Hrafns­son sá gosið: „Vinnið með fólkinu“

Kristinn Hrafns­son, rit­stjóri Wiki­leaks, sá hraunið í Geldinga­dal í dag. Hann hvetur yfir­völd til að vinna með al­menningi, fræða hann um á­hættur og opna leiðina enn­frekar að eld­gosinu.

„Vel­búinn við Ræfils Gosling. Allt fór vel fram og ekki sást vín á nokkrum manni. Það örlaði að­eins á galsa­fullri á­hættu­hegðun hjá yngsta aldurs­hópnum sem ég hef skilning á. Rifjaðist upp þegar ég fór 18 ára fyrst að gosi, þá í Heklu og fór eins ná­lægt hraun­jaðrinum og hitinn leyfði,“ skrifar Kristinn.

Hann segir gosið hafa verið magnað sjón­var­spil. „Ef það ætlar að lengjast í gosinu núna er rétt og sann­gjarnt að gera sem flestum kleift að komast að því og opna leiðir þannig að gangan verði stutt. Jafn­vel ferja fólk á öku­tækjum gegn vægu gjaldi á þeim stígum sem liggja býsna nærri gos­stöðvunum. Þetta gæti verið á­kjósan­leg fjár­öflunar­leið fyrir björgunar­sveitir,“ skrifar Kristinn.

„Vinnið með fólkinu, fræðið það um á­hætturnar og leyfið því svo sjálfu að meta hvort og hvernig það hagar sér. Ef ein­hver fer sér að voða, gerir hann það á eigin á­byrgð.“