Kóróna­veiran búin að stökk­breytast: „Ég myndi hvorki vera á­hyggju­full­ur né glaður“

Kóróna­veiran hefur stökk­breyst í tvær tegundir. Önnur er mun skæðari en hinn. Þetta er niður­staða kín­verskrar rann­sóknar. Már Kristjáns­son, yf­ir­­lækn­ir smit­­sjúk­­dóma­­lækn­inga Land­­spít­al­ans, segir í sam­tali við vef Morgun­blaðsins að sam­kvæmt rann­sókninni hafi stökk­breytingin átt sér stað snemma. Eru týpurnar nefndar L og S. L-gerðin er al­gengari og skæðari.

Spurður hvort á­stæða sé til þess að hafa á­hyggj­ur af þess­ari nýju upp­­­götv­un seg­ir Már:

„Ég myndi hvorki vera á­hyggju­full­ur né glaður yfir þessu. Við mun­um leggj­ast yfir þetta í fram­hald­inu og spek­úl­era.“

Már segir á öðrum stað að þegar veir­ur stökk­breyti sér geti það haft þau á­hrif að erfiðara sé að þróa bólu­efni eða lyf sem nýt­ist í bar­átt­unni gegn þeim.

„Þetta er til dæm­is einn eig­in­­leiki HIV veirunn­ar, hún er alltaf að breyt­ast. Það hef­ur gert nán­ast ó­mögu­­legt að búa til bólu­efni gagn­vart henni. Svo eru aðrar veir­ur eins og mænu­veik­in og mis­l­ing­ar sem eru það stöðugar að þó að þær sé á­kveðinn breyti­­leiki í þeim þá er bólu­efni afar gott gegn þeim. Það gild­ir ekki eitt­hvað eitt um all­ar veir­ur.“