Kol­brún segir marg­sinnis varað við þessu: „Nú hefur Kári verið blásinn endan­lega af“

Kol­brún Baldurs­dóttir, borgar­full­trúi Flokk fólksins, skrifar um á­kvörðun stjórnar Sorpu að loka flokkunar­­stöð sem kostaði sveitar­­fé­lögin á höfuð­­borgar­­svæðinu um einn milljarð króna fyrir einungis þremur árum síðan.

Stöðin hefur séð gas- og jarð­­gerðar­­stöð fyrir­­­tækisins í Álfs­nesi fyrir líf­rænum úr­­­gangi til moltu­gerðar, en af­urðin hefur reynst ó­­­not­hæf.

„Nú hefur Sorpa viður­kennt mis­tök við byggingu flokkunar­stöðvar í Álfs­nesi. Fram­kvæmda­stjóri segir að mis­tök hafi verið gerð þegar á­kveðið var að kaupa flokkunar­kerfi sem vitað var að myndi ekki skila af sér not­hæfri moltu. Takið eftir! „Vitað var að flokkunar­kerfið myndi ekki skila af sér not­hæfri moltu.“ Hver kaupir rán­dýrt flokkunar­kerfi sem vitað er að skilar ekki not­hæfu hrá­efni til moltu­gerðar? Það gerði Sorpa,“ skrifa Kol­brún í Frétta­blaðið í dag.

„Milljarður er farinn í súginn hjá Sorpu. Reyndar hafði stjórn Sorpu mikla trú á þessu flokkunar­kerfi í byrjun. Bundnar voru einnig væntingar við vind­flokkara sem Sorpa fjár­festi í. Vind­flokkarinn er sér­stakur vél­búnaður sem fékk nafnið Kári og átti hann að blása léttu plasti frá þyngra líf­rænu efni. Þetta gekk reyndar aldrei al­menni­lega og ef rétt er munað bilaði Kári. Nú hefur Kári verið blásinn endan­lega af og einnig mót­töku- og flokkunar­stöðin í Álfs­nesi eins og hún leggur sig. Skella á í lás því aldrei mun koma not­hæf molta út úr fram­kvæmdinni og eru mis­tök viður­kennd,“ skrifar Kol­brún.

Hún segir að við þessu var marg­sinnis varað meðal annars af borgar­full­trúa Flokks fólksins sem fékk fátt annað en bágt fyrir frá meiri­hlutanum og full­trúa borgarinnar í stjórn Sorpu.

„Hér má vísa í eina af mörgum bókunum Flokks fólksins frá 2021 þar sem varað er við að aldrei komi not­hæf molta út úr þessu kerfi:

„GAJU var lýst sem töfra­bragði, átti að geta tekið blandað sorp og gert úr því há­gæða moltu. Fyrir utan Kára átti að veiða málma úr sorpinu með segli, en að­eins járni er hægt að ná með segli. Stjórn Sorpu hlustaði ekki á varnar­orð. Niður­staðan varð plast­menguð molta með málmum og gleri, mengun langt yfir við­miði. Sorpa hindraði að­gengi að gögnum. Sorpa neitaði að af­henda sýni. Gögn voru loks af­hent sem sýndu að 1,7% af moltu var plast, 2 mm eða stærra. Við­miðið á að vera 0,5%. Moltan var með öllu ó­not­hæf. GAJU-ævin­týrið, þessi hluti alla vega, var bara draum­sýn sem kostað hefur borgar­búa og aðra eig­endur Sorpu ó­mælt fé,“ Skrifar Kol­brún að lokum.