Kol­brún hjólar í stjórnar­and­stöðuna: „Allt skyn­samt fólk sér í gegnum þetta“

Kol­brún Berg­þórs­dóttir, blaða­maður Frétta­blaðsins, segir þjóð­mála­um­ræðuna á Ís­landi ein­kennast af af æsingi, upp­hrópunum og fúk­yrða­flaumi nýjum leiðara í Fréttablaðinu í dag.

„Hugsan­lega er hluti skýringarinnar á þessum látum öllum sú að nú­tíma­tækni gefur nánast hverjum sem er gott tæki­færi til að tjá sig. Um leið skapast á­kveðinn vandi, því hvernig á fólk að láta taka eftir sér þegar svo að segja allir eru að tjá sig? Það er svo ó­skap­lega auð­velt að týnast í fjöldanum,“ segir Kol­brún.

„Í hugum margra er lausnin ein­föld; það er best að æpa sem hæst og fá þannig at­hygli.

Ef við­komandi er heppinn ratar hann jafn­vel í fréttir á net­miðlum. Þá líður við­komandi vel. Merki­legt hversu margir eru háðir at­hyglinni. Stundum er eins og þeim finnist þeir ekki vera til nema eftir þeim sé tekið,“ bætir hún við.

„Við sjáum æsinga­full upp­hlaup svo að segja dag­lega. Þing­menn, sér­stak­lega stjórnar­and­stöðunnar, eru sér­lega gefnir fyrir þau. Hið sama má segja um ýmsa sjálf­skipaða á­lits­gjafa sem telja af ein­hverjum á­stæðum að alveg sér­stök eftir­spurn sé eftir skoðunum þeirra. Það er svo sem ekki skrýtið að þeir lifi í þeim mis­skilningi.

Fjöl­miðlar, sér­stak­lega net­miðlar, eru iðnir við að þefa uppi fúk­yrða­flauminn og skella glað­hlakka­legir í frétt eins og: D segir að ríkis­stjórn Ís­lands sé fasísk – H segir að Sjálf­stæðis­flokkurinn hati flótta­menn – I segir að Katrín Jakobs­dóttir hafi selt sálu sína.“

Kol­brún segir allt skyn­samt fólk sjá í gegnum þetta.

„Það veit vel að ríkis­stjórn landsins er ekki fasísk. For­ystu­menn hennar eru þraut­þjálfaðir stjórn­mála­menn sem hafa í aðal­at­riðum staðið sig vel í störfum sínum. For­sætis­ráð­herrann er svo sannur þjóðar­sómi.

Skyn­sam­leg þjóð­mála­um­ræða er að kafna í æsinga­fullum upp­hrópunum frá fólki sem er fyrir­munað að sýna stillingu. Ís­lands­banka­salan er dæmi um þetta. Flestir sem þar æptu hæst um spillingu og við­bjóð hafa litla sem enga þekkingu á málinu – og virðast ekki hafa sér­stakan á­huga á að kynna sér það. Þeir gáfu sér fyrir fram að málið væri svínarí.“

„Um­ræða um mál­efni út­lendinga er á svipaðan hátt. Þar er kastað fram full­yrðingum um mann­vonsku og fyrir­litningu Sjálf­stæðis­flokksins í garð fólks sem hingað kemur og vill setjast hér að. Um leið eru Vinstri græn stimpluð sem sví­virði­lega með­virk. Þetta er ansi eins­leit mynd, en því miður virðist lítið rými gefast fyrir hóf­stillta og vit­ræna um­ræðu um þessi mál.

Yfir­veguð þjóð­fé­lags­um­ræða á ekki upp á pall­borðið í sam­fé­lagi þar sem æsingur og til­finninga­ofsi eru ráðandi. Við erum ekki á góðum stað,“ skrifar Kolbrún að lokum.