Bára segir Ís­lendinga of væru­kæra gagn­vart Co­vid: „Ég get engu um­hverfi treyst“

Bára Hall­dórs­dóttir, segir að hún geti engu um­hverfi treyst í kjöl­far af­léttinga á sótt­varnar­tak­mörkunum.

Bára, sem varð þjóð­þekkt fyrir það að ljóstra upp um Klausturs­málið, segir á Twitter síðu sinni að Ís­lendingar hafi sleppt af sér beislinu: „Ég bíðandi meira og meira eftir öllum úr­ræðum og hamlaðri í al­mennum hlutum vegna þess að fólk er orðið svo chillað að ég get engu um­hverfi treyst,“ segir Bára.

Deilir hún þar Twitter færslu Tinnu nokkurrar. Sú hefur fengið sig full­sadda af gagn­rýni á Þór­ólf Guðna­son sótt­varnar­lækni: „Náinn að­standandi minn er á gjör­gæslu með Co­vid. Biðst ekki af­sökunar á að vera grimm á mute takkanum á allt sem snýr að fReLsI og að Þór­ólfur sé ein­hver vondi kall.“

Þetta er ekki í fyrsta sinn sem Bára talar um sótt­varnar­mál á Twitter. Hún sendi frá sér þessa færslu fyrr í mánuðinum: „Var að tala við ömmu áðan. Við erum báðar líkam­lega ein­angraðar. Alltaf ein­hver að hringja eða kíkja í heim­sókn til hennar. Ég öfunda hana, fólk gleymir lang­veikum hægt og ró­lega og eina tenging mín við um­heiminn er random inter­net­orka.“

Þór­ólfur hefur verið harð­lega gagn­rýndur undan­farið af stórum hópi Ís­lendinga sem krefjast af­léttingar eða vægari sam­komu­tak­markanna. Þykja mörgum, í ljósi fárra inn­lagna á spítölum vegna Co­vid-19 og hás hlut­falls bólu­settra, að tími sé til kominn að hleypa lífinu aftur í eðli­legt horf.

Greinilegt er að það deila ekki allir þeim hugsjónum, ef marka má orð Báru og Tinnu.