Kjartan Hreinn Njálsson, aðstoðarmaður landlæknis og fyrrverandi fjölmiðlamaður, sendir Helga Sigurðssyni, skopmyndateiknara Morgunblaðsins, væna pillu á Twitter-síðu sinni.
Helgi hefur látið ýmislegt flakka í skopmyndum sínum á síðu 8 í Morgunblaðinu að undanförnu og snúast teikningarnar oftar en ekki um kórónuveiruna og baráttuna gegn henni. Í fyrra birtist til að mynda umdeild teikning þar sem ósonmeðferð var sögð lækna COVID-19 og í dag er spjótum beint að Ivermectin eins og myndin hér að neðan sýnir.
Þórður Snær Júlíusson, ritstjóri Kjarnans, hefur verið gagnrýninn á teikningar Helga og deilir hann teikningunni á Twitter-síðu sinni með þessum orðum: „Jæja...“
Kjartan Hreinn deilir tísti Þórðar og segir: „Góðu fréttirnar eru að Pfizer verður líklega heimilað fyrir yngri börn og þá getur skopmyndateiknari Mbl fengið sína sprautu.“
Góðu fréttirnar eru að Pfizer verður líklega heimilað fyrir yngri börn og þá getur skopmyndateiknari Mbl fengið sína sprautu. https://t.co/KFANwY3Seu
— Kjartan Hreinn (@kjartanhn) October 27, 2021
