Kiddi sleggja hjólar í Silfrið: „Á­róðurs­efni á kostnað skatt­greið­enda“

Kristinn H. Gunnars­son, fyrrum al­þingis­maður og nú­verandi rit­stjóri blaðsins Bæjarins besta á Vest­fjörðum lætur Ríkis­út­varpið heyra það á miðli sínum í dag.

Kristinn, betur þekktur sem Kiddi sleggja, á­sakar Silfrið um stað­reynda­villur í um­fjöllun sinni um um­deilda bók gegn lax­eldi.

„Í Silfrinu á Ríkis­út­varpinu í gær voru höfundar um­deildrar bókar um lax­eldi og kynntu efni hennar. Ríkis­út­varpið kynnir þau á eftir­farandi hátt:

„Þau hafa bæði ára­tuga reynslu úr blaða­mennsku. Collins hefur unnið fyrir fjöl­marga miðla og sér­hæfir sig í vísindum og um­hverfis­málum. Frantz hefur til að mynda verið blaða­maður og rit­stjóri hjá New York Times, Los Angeles, Was­hington Post og Chi­cago Tri­bu­ne. Þau Collins og Frantz eru ný­búin að gefa út bók um upp­gang lax­eldis í sjó og ræddu inni­hald hennar við Egil Helga­son.“

Það fór ekki á milli mála að boð­skapur þeirra er að banna eigi sjó­kvía­eldi ekki bara í Banda­ríkjunum heldur um allan heim,“ skrifar Kristinn á Bb.is

„Það kom hins vegar ekki fram í þættinum að bókin og grein sem höfundar skrifuðu í banda­ríska tíma­ritið Time Magazine til þess að fylgja bókinni eftir eru mjög um­deild og hafa höfundar verið sakaðir um al­var­legar stað­reynda­villur. Það er mjög sér­stakt að stjórnandi þáttarins skuli ekki hafa gert grein fyrir þessu og spurt höfunda um svör þeirra við gagn­rýninni. Í um­ræðu um mál sem þetta er nauð­syn­legt að draga fram eftir föngum stað­reyndir og einnig hvaða at­riði eru um­deild og kalla eftir rök­stuðningi frá báðum hliðum um þau at­riði. Það var ekki gert. Egill hafði engar spurningar til höfunda um efni bókarinnar og gagn­rýni sem komið hefur fram,“ skrifar Kristinn.

Hann segir að Egill Helga­son og RÚV gerðu um­fjöllunina að ein­hliða mál­flutningi gegn lax­eldi í sjó. Það er al­var­legt mál, að mati Kristins.

„Bókin er reyndar ekki ný af nálinni. Hún kom út í júlí á síðasta ári. Salmon Wars: The Dark Under­bel­ly of Our Favo­ri­te Fish heitir bókin. Sterk við­brögð hafa komið fram við efni bókarinnar og greininni í kjöl­farið. Fisk­eldi er víðar um­deilt en á Ís­landi og það á við um Banda­ríkin og Kanada.“

„Sam­tök eldis­fram­leið­enda í Kanada skrifuðu þegar grein til varnar eldinu og drögu fram 10 á­sakanir og mistúlkanir sem fram koma í bókinni sem þau segja að séu rangar. Er það þeirra dómur að í bókinni sé lítið annað en endur­tekning á villandi full­yrðingum og úr­eltum upp­ýsingum,“ skrifar Kristinn.

„Sam­bæri­leg sam­tök í Banda­ríkjunum eru National Aqu­aculture Association og for­seti þeirra Sebastian Belle gagn­rýnir einnig efni bókarinnar og greinarinnar í Time Magazine fyrir rang­færslur. Hann segir reyndar að fram fari á­róðurs­stríð gegn fisk­eldi og nefnir til fleiri til­vik þar um.

Þar sem bókin er ekki ný og þegar hafa komið fram við­brögð við henni var RÚV og Agli Helga­syni í lófa lagið að gera grein fyrir báðum hliðum og leitast við að draga fram helstu efnis­at­riðin. Það var ekki gert. Það var ekki sagt frá því að fram­lag höfunda væri um­deilt. Þau voru ekki spurð um svör við fram­kominni gagn­rýni.“

„Það er enn hægt að bæta úr og halda á­fram um­fjölluninni um bókina og mál­flutning Franz og Collins. En þá verður Egill Helga­son að kynna sér málið og hafa ein­hverjar for­sendur til þess að stjórna um­ræðunni og það sem er lykil­at­riðið að fá svör þeirra sem til svara eru fyrir at­vinnu­greinina,“ skrifar Kristinn.

Hægt er að lesa grein Kristins í heild sinni hér.