Kári Stef um AstraZene­ca: „Í guðanna­bænum þiggið björgina og látið bólu­setja ykkur“

Kári Stefáns­son, for­stjóri Ís­lenskrar erfða­greiningar, hvetur lands­menn til að láta bólu­setja sig með bólu­efni AstraZen­ca, fyrir sjálfa sig og aðra. Hann bendir á að efnið sé næstum hættu­laust og veiti góða vörn gegn Co­vid-19 veirunni.

„Það má hins vegar ekki gleyma því að það eru engin lyf sem virka á sjúk­dóma sem eru með öllu hættu­laus og á það sama við um bólu­efni,“ út­skýrir Kári á Face­book síðu sinni.

„Þess vegna er það kýr­skýrt að þegar lyfi eða bólu­efni er beitt á tugir milljóna manns þá verða ein­hverjir fyrir auka­verkunum.“ Í til­felli bólu­efnis AstraZeni­ca sé sá fjöldi hverfandi miðað við þann sem á bólu­efninu líf sitt og heilsu að þakka.

Ekki tilbúin í myndatöku

„Ég lét bólu­setja mig með þessu á­gæta bólu­efni fyrir nokkrum vikum og hlaut af því engan skaða annan en þann að vegna þess að ég var kallaður inn með litlum fyrir­vara þá var ég ekki rétt búinn til at­hafnarinnar og leit út eins og það ó­á­lit­lega gamal­menni sem ég er á myndum sem voru teknar af at­höfninni.“

Kári í­trekar mikil­vægi þess að bólu­setja sig og hræðast ekki bólu­efnið. „Í guðanna­bænum þiggið björgina og látið bólu­setja ykkur þegar boðið.“

Kári var bólusettur með efni AstraZeneca fyrir um mánuði síðan.