Sigríður Andersen, fyrrverandi dómsmálaráðherra segir að stríðið gegn fíkniefnum sé tapað og það þurfi að fara nýja leiðir. Hún styður samt ekki fyrirliggjandi hugmyndir um afglæpavæðingu neysluskammta. Þetta kemur fram frétt Vísi en hún og Kári Stefánsson tókust á í Íslandi í dag í gær.
Sigríður segist aðhyllast frelsi að eigin sögn í víðum skilningi í fíkniefnamálum en að hennar mati er afglæpavæðing ekki endilega lausnin.
„Mér finnst að þarna sé verið að nota í rauninni veikindi fólks sem einhvers konar trójuhest til að gera fíkniefni í raun frjáls hér á landi. Ég held að nái svona frumvarp fram að ganga sé hætta á að verið sé að normalisera svona notkun almennt og að fólk fari að líta á þessa neysluskammta sem hættulausa,“ segir Sigríður.
„Ég held að þetta sé örlítið lýðskrum, sýndarmennska, hjá fólki sem raunverulega vill segja að stríðið gegn fíkniefnum sé tapað, að við eigum því að fara aðrar leiðir, en þorir ekki að gera það,“ segir Sigríður.
Þessu svaraði Kári: „Sko, Sigríður, þetta er dálítið ljótt. Þetta fólk hefur kannski aðra skoðun en þú, en það er engin ástæða til að ætla að það sé ekki einlægt í vilja sínum til að breyta afstöðunni til fíknisjúkdóma.“
Sigríður telur það væri hægt að hjálpa sjúklingum og fíklum miklu betur með annars konar útfærslu ef menn vilja beita lögum. En þó fyrst og fremst með því að auka aðstoð og þjónustu við þetta fólk sem að hennar mati frumvarpið gengur ekki út á.
Kári kveðst telja það mjög mikilvægt að ganga frá því sem allra fyrst að gera neysluskamma löglega, þótt hann skilji vanda lögreglunnar í tengslum við það.
Hægt er að horfa á samtal þeirra hér.
