Kári ó­sáttur og fær ekki að hjálpa land­lækni: „Það verður ekkert af okkar fram­lagi. Þetta er endan­leg á­kvörðun“

„Það er ill­vígur veirufar­aldur að ganga yfir landið. Það var okkar mat og annarra að það væri mikil­vægt að geta fylgst með út­breiðslu veirunnar og því hvernig hún stökk­breytist þegar hún ferðast milli fólks. Við buðumst til þess að hlaupa undir bagga með heil­brigðis­kerfinu og skima fyrir veirunni og rað­greina hana þar sem hún finnst þannig að það væri vitað hvar hún er og í hvaða formi. Það leit út fyrir að boð okkar væri þegið.“

Þetta segir Kári Stefáns­son, for­stjóri Ís­lenskrar erfða­greiningar á Face­book. Það vakti mikla at­hygli í gær þegar Kári greindi frá því að Ís­lensk erfða­greining væri reiðu­búin til að leggja fram hjálpar­hönd varðandi skimun á kóróna­veirunni sem veldur CO­VID-19 sjúk­dómnum. Nú er komið í ljós að Kári og hans fyrir­tæki þurfa að sækja um sér­stakt leyfi. Kári er afar ó­sáttur við þetta og segir:

„Vísinda­siða­nefnd/Per­sónu­vernd líta svo á að þessi til­raun okkar til þess að taka þátt í að­gerðum heil­brigðis­kerfisins beri að líta á sem vísinda­rann­sókn og við yrðum að sækja um leyfi til þeirra. Það munum við ekki gera vegna þess að af okkar hálfu átti þetta að vera þátt­taka í klíniskri vinnu en ekki vísinda­rann­sókn.“

Þá segir Kári að lokum: „Þess vegna verður ekkert af okkar fram­lagi að þessu sinni. Þetta er endan­leg á­kvörðun.“