Júlíus Sólnes, sem gegndi starfi umhverfisráðherra 1990 til 1991, fékk ekki boð á hátíðarhöld í tilefni af 30 ára sjálfsstæðissögu Eystrasaltsríkjanna.
Fréttablaðið greinir frá þessu í dag en blaðið hefur undanfarna daga fjallað um að boðskort til Jóns Baldvins Hannibalssonar hafi borist seint og illa auk fleiri álitaefni, til dæmis dagskrá og ræðumenn.
Júlíus tjáir sig í athugasemd við umræðu um málið á Facebook-síðu Þorvaldar Gylfasonar prófessors.
„Ég virðist vera í sama skammarkrók og Jón Baldvin, því að ekki hefur mér verið boðið á þessa ráðstefnu. Í fréttatilkynningu frá Forseta Íslands kemur fram, að öllum ráðherrum í ríkisstjórnum 19881991 og 1991-1995 hafi verið boðið. Ég var einn þeirra, en mér hefur ekki verið boðið,“ segir Júlíus.
