Dagur B. Eggertsson borgarstjóri hefur lagt til að allar bifreiðar Reykjavíkurborgar verði teknar af nagladekkjum, greint er frá þessu í Morgunblaðinuí dag.
Reykjavíkurborg hefur haft þá stefnu að engir bílar eigi að vera á nöglum innan borgarinnar, í kjölfar eftirgrennslan Fréttablaðsins kom í ljós að fjöldmargir bílar á vegum borgarinnar væru á nöglum þvert á fyrstu svör borgarinnar. Starfsmenn heimaþjónustu hafa svo stigið fram og gagnrýnt þetta þar sem hættan á hálku geti verið mikil snemma á morgnanna í úthverfum.
Á móti hefur Dagur borgarstjóri lagt til að þeir starfsmenn sem vegna starfa sinna aka í vetrarfærð fái boð í sérstaka fræðslu um akstur ökutækja að vetrarlagi.
Samfylkingin á Alþingi hefur lagt til breytingar á umferðarlögum sem heimila sveitarfélögum að innheimta gjald, allt að 40 þúsund krónum, fyrir notkun nagladekkja.
Jórunn Pála Jónasdóttir, borgarfulltrúi Sjálfstæðisflokksins, gagnrýnir áformin inni í hópnum Gagnrýnum meirihlutann í Reykjavík á Facebook. Hún segir: „Í greinargerð með tillögunni segir eitthvað á þá leið að ef "sérstakar málefnalegar ástæður" eru til staðar megi leyfa nagla,“ segir hún. „Það og sú staðreynd að það hefur ekki verið rannsakað hvernig þungar sorpbifreiðar fúnkera án nagla bendir til þess að hún sé sett fram í frekar popúlískum tilgangi.“
