„Aðgerðin gekk mjög vel og ekkert nýtt kom í ljós. Gunnar kemur heim seinnipartinn. Guð vakti yfir honum og læknunum,“ segir Jónína Benediktsdóttir, fyrrverandi eiginkona Gunnars Þorsteinssonar sem er oft kenndur við Krossinn.
Hringbraut greindi frá því að Gunnar væri á leiðinni í hjartaþræðingu og gekkst hann undir aðgerðina á Landspítalanum nú í morgunsárið.
Gunnar hafði verið með verk fyrir hjartanu að undanförnu sem hann leiddi hjá sér. Hann ákvað þó sem betur fer að láta kanna málið og þá kom í ljós að hann var með kransæðaþrengingu og þyrfti að gangast undir aðgerð.
„Ég tel tel það mikla mildi að þetta var leitt í ljós. Páll postuli sagði að lífið væri Kristur og dauðinn ávinningur. Ég tek undir það,“ sagði Gunnar í gær. Nú er aðgerðinni lokið og gekk hún vel, eins og Jónína bendir á í færslu á Facebook-síðu sinni.
