Jón Ásgeir Jóhannesson, stjórnarformaður Skeljar, segir að það sé einföld ástæða fyrir því fjárfesting erlendra aðila á Íslandi sé mun minni en á hinum Norðurlöndunum. Það sé einkum vegna eins þáttar; íslensku krónunnar.
Þetta kemur fram í nýrri ársskýrlu Skeljar en Viðskiptablaðiðgreinir frá.
„Það er ekki vegna þess að það sé skortur á afli, þekkingu, hugviti eða dugnaði í íslensku atvinnulífi, heldur er skýringuna að finna í íslensku krónunni, sem er versti óvinur atvinnulífsins og fólksins í landinu - en meira um það síðar,“ skrifar Jón Ásgeir í skýrslunni.
Jón vonast til þess að Skel geti laðað til sín innlenda sem og erlenda fjárfesta til að fjárfesta í íslensku atvinnulífi.
Hann bætir þó við að það sé tilraun að skrá félagið á Íslandi og er hann ekki viss um að það sé rétt ákvörðun.
Árið 2022 hjá Skel var afar viðburðaríkt en félagið er nú orðið fullburða fjárfestingafélag.
„Þegar litið er til baka er ljóst að vegferðin var viðameiri en upphaflega var gert ráð fyrir. Með mikilli þrautseigju starfsmanna náðist að skera á samofna strengi milli þeirra. Um mitt ár voru félögin farin að geta horft fram á veginn með skýra stefnu að verða hvert og eitt best á sínu sviði.
Ég leyfi mér að fullyrða að vel hafi tekist til og náðst hafi að hrista sofandaháttinn af þeim, sem einkenndi þessar rekstrareiningar að ákveðnu leyti meðan þær voru allar samofnar.“
Skel hagnaðist um 17,5 miljlarðar króna í fyrra. Hægt er að lesa umfjöllun VB.is hér.
