Í gær var greint frá því að athafnamaðurinn Haraldur Þorleifsson hefði boðist til þess að fljúga Jóni Gunnarssyni, dómsmálaráðherra, til Grikklands og sýna honum hvernig aðstæður eru þar.
Í samtali við Fréttablaðið segist Jón ekki hafa heyrt af boðinu. Auk þess segist hann efast um að hann megi þyggja slíkt boð.
„Nei ég hef ekki séð neitt boð um það. Ég held að almennt boð til ráðherra utan úr bæ sé ekki leyfilegt að taka við. Ég held að það séu stífar reglur um það. En ég hef ekki séð þetta boð,“ sagði Jón við Fréttablaðið.
