Tónlistarhúsið Harpa hefur gert mikið upp úr því í dag, sem og fyrri Daga íslenskrar tungu, að kenna landsmönnum að nafn hússins sé Harpa og almenningur eigi ekki að tala um Hörpuna eða nota nafnið með greini.
Til hamingju með dag íslenskrar tungu 🇮🇸
— Harpa Reykjavik (@HarpaReykjavik) November 16, 2017
Hér er dálítil ábending frá Hörpu í tilefni dagsins :)
Takk @BragiValdimar, @sturlaatlas, @hihildur, @karinsveins og Dísella. pic.twitter.com/6DHALM8V2u
Stórleikarinn Jóhannes Haukur Jóhannesson er alls ekki sáttur við þetta:
„Og hvað? Er ég bara einhver hálfviti ef ég segi Harpan?,“ spyr hann og heldur áfram: „Finnst þetta bara alls ekki sambærilegt við að setja greini á mannanöfn.“
Jóhannes Haukur fussar og sveiar yfir þessu á Twitter: „Menntasnobb og yfirlæti. Kann ekki við þetta. Bara alls ekki. Svona fer þveröfugt í mig. Fussumsvei. Annars góður.“
