Jóhannes býður sig fram í stjórn: „Bak­slagið gagn­vart hin­seg­in fólki að und­an­­förnu hef­ur vakið hjá mér brenn­andi þörf“

Jóhannes Þór Skúla­son, fram­kvæmda­stjóri Sam­taka ferða­þjónustunnar, hefur á­kveðið að bjóða sig fram til stjórnar Sam­takanna 78. Kosið verður til stjórnar 10 mars.

Hann greinir sjálfur frá fram­boði sínu á Face­book og hefur fengið mikinn stuðning við fram­boð sitt. Jóhannes kom út úr skápnum sem tví­kyn­hneigður maður fyrir fjórum árum síðan.

„Bak­slagið gagn­vart hin­­segin fólki að undan­­förnu hefur vakið hjá mér brennandi þörf fyrir að leggja mitt af mörkum til að styrkja það mikil­­væga og fjöl­breytta starf sem Sam­tökin sinna í sam­­fé­laginu,“ skrifar Jóhannes á Face­book sem hefur fengið mikinn stuðning við fram­boð sitt.

Í fram­boð­stil­kyningu á vef sam­takanna segir Jóhannes að hann vilji búa til betri sam­fé­lag fyrir börn sín.

„Ég kom seint út og hef ekki tekið mikinn virkan þátt í við­burðum eða öðru starfi Sam­takanna ‘78. Bak­slagið og sú nei­kvæða um­ræða sem á sér stað í sam­fé­laginu núna hefur hins vegar vakið hjá mér brennandi þörf fyrir að verða að liði. Ef það er eitt­hvað sem drífur mig á­fram meira en nokkuð annað þá er það að geta lagt lóð á vogar­skálarnar til að búa til betra sam­fé­lag fyrir börnin mín, þó ekki væri nema að litlu leyti,“ skrifar Jóhannes.

Hann segist einnig vera „ótta­legur nölli“ um alls­konar hluti og veit „veit fátt betra en að sökkva mér ofan í góða bók í friði og ró, helst með malandi kött í fanginu.“

„Ég gekk í fyrsta sinn í gleði­göngunni í fyrra með alla fjöl­skylduna með mér, eftir að hafa fylgst með af hliðar­línunni árum saman. Það er minning sem ég mun lifa á ó­trú­lega lengi, upp­lifun sem mér þykir alveg ó­lýsan­lega vænt um og sem keyrði beint inn í hjartað hvað ég hef mikla þörf fyrir að leggja meira af mörkum fyrir hin­segin sam­fé­lagið, sam­fé­lagið mitt.“

„Þótt störf mín hafi í­trekað otað mér í fjöl­miðla að ræða mis­skemmti­lega hluti er ég minna leiðin­legur en margir halda, al­mennt við­ræðu­góður og hef gaman af að kynnast nýju fólki,“ segir Jóhannes einnig.

Vinir Jóhannesar á Face­book virðast mjög á­nægðir með fram­boðið og segir ein: „Þau heppin að fá þig til liðs við sig.“ .. „Frá­bær og geggjaður liðs­auki sem þau fengju í þér fáir þú kosninga,“ segir önnur.

Hægt er lesa fram­boð­stil­kynningu Jóhannesar hér.