Jarð­skjálftar á ó­venju­legum stað vekja furðu jarð­vísinda­manna

Jarð­skjálfta­hrina hófst í nótt á afar ó­venju­legum stað undan ströndum Ís­lands og stendur enn yfir. Þetta kemur fram í frétt mbl.is

Fleiri skjálftar hafa nú riðið yfir síðast­liðna klukku­tíma en síðustu þrjá­tíu ár sam­kvæmt Veður­stofu Ís­lands.

Mið­punkturinn er utar­lega í Bakka­flóa­djúpi, tæpum 50 kíló­metrum austnorð­austur af Fonti, en svo nefnist ysti oddur Langa­ness.

Hrinan hófst korter korter í þrjú í nótt með skjálfa sem mældist 1,9. Á ann­an tug skjálfta hef­ur fylgt í kjöl­farið, þar af tveir af stærðinni 2,9.

Lang­f­lest­ir skjálft­anna sem hafa mælst til þessa eru yfir tveim­ur að stærð. Ljóst er að hrin­an vek­ur spurn­ing­ar á meðal jarð­vís­inda­manna.

„Það hafa orðið skjálft­ar þarna áður,“ seg­ir Lovísa Mjöll Guð­munds­dótt­ir náttúru­vá­r­sér­fræðingur í sam­tali við mbl.is. En þeir eru ekki marg­ir.

„Ef við lít­um allt aft­ur til árs­ins 1991, þegar þetta kerfi var sett á lag­g­irn­ar, þá hafa mælst þarna um tíu skjálft­ar þar til núna.“

Að­spurð kveðst Lovísa ekki geta full­yrt hvað valdi þess­ari ó­venju­­legu hrinu. Hún seg­ir skjálfta­­sér­­­fræðinga Veður­­stof­unn­ar nú vinna í því að leita skýr­inga.